19 лютага, напярэдадні Міжнароднага дня роднай мовы, які штогод адзначаецца 21 лютага, бібліятэкар аддзела абслугоўвання і інфармацыіі ДУК «Вілейская раённая цэнтральная бібліятэка імя Г. Новік» Місюль М.М. правяла для выхаванцаў ДУ «Вілейскі тэрытарыяльны цэнтр сацыяльнага абслугоўвання насельніцтва» гадзіну роднай мовы пад назвай «Гэта мова твая і мая».

Падчас мерапрыемства ўдзельнікі ўвесь час з задавальненнем размаўлялі на беларускай мове: чыталі вершы, адгадвалі загадкі, перакладалі словы і словазлучэнні з рускай мовы на беларускую, успаміналі прыказкі і прымаўкі нашага народа, паказаўшы сябе добрымі знаўцамі беларускага фальклору, а напрыканцы паўдзельнічалі ў пазнавальнай віктарыне «Старонкі мінулага і сучаснага».

Скончылася мерапрыемства паэтычнымі радкамі з верша беларускай паэткі Лёлі Багдановіч:

Давайце не цурацца роднай мовы,

Заўжды на мове роднай размаўляць,

Бо хіба ёсць пяшчотней што, чым словы,

Якія з вуснаў матчыных гучаць.