26 красавіка ў аддзеле абслугоўвання і інфармацыі Вілейскай раённай бібліятэкі ў рамках праекта “Чытаем кнігі мясцовых аўтараў” адбылася сустрэча з сучасным пісьменнікам, былым намеснікам галоўнага рэдактара газеты “Шлях перамогі”, Барысам Флоравічам Манцэвічам, якому ў гэтым годзе споўнілася 85 год.
У межах сустрэчы адбылася прэзентацыя яго новай кнігі “Скрыжалі майго маленства”
Ён цікава і дасціпна распавёў пра сваё дзяцінства і творчы шлях. Яго выступленне прагучала як сапраўднае прызнанне ў любові да Беларусі, да роднай мовы, да сям’і.
У сваёй кнізе аўтар піша пра тое, што глыбока засела ў памяці, не сцерлася з гадамі, пастаянна хвалявала яго і хвалюе.
Падчас прэзентацыі прысутныя пачулі вершы ў аўтарскім выкананні.