Менавіта друкаваная кніга стала продкам СМІ: газет, тэлебачання, інтэрнэта. Рукапісныя кнігі былі прадметам мастацтва, іх выраб патрабаваў шмат часу, і каштавалі яны на вес золата. Вынаходніцтва друкаванага станка зрабіла стварэнне кніг прасцей і танней. Кнігі цяпер маглі набыць розныя людзі рознага дастатку, таму інфармацыя стала больш даступнай.
Але Біблія, галоўная кніга кожнага хрысціяніна, па-ранейшаму была не зразумелай для большай часткі людзей. Францыск Скарына пераклаў яе для штодзённага чытання ўсіх усходніх славян. У выдадзеных кнігах ён змяшчаў прадмовы і пасляслоўі, у якіх тлумачыў сюжэт і вобразы Святога Пісання, даваў каментарыі па гісторыі, геаграфіі і культуры.
23 верасня ў Чурлёнскай СІБ была праведзена віктарына “Мая Скарыніяна”. Бібліятэкар паведаміла пра першадрукара Францыска Скарыну і яго першую кнігу, якую ён надрукаваў у Празе – “Псалтыр”, менавіта ёй споўнілася ў гэтым годзе 500 год.
Удзельнікам вельмі спадабалася віктарына, яны з інтарэсам адказвалі на пытанні.