21 кастрычніка ў Вязынскай сельскай інтаграванай бібліятэцы адбылося літаратурнае падарожжа, прымеркаванае да 105-годдзя з дня нараджэння вядомага беларускага дзіцячага пісьменніка Івана Андрэевіча Муравейкі, пад назвай «Казкі і прыдумкі дзядулі Івана», якое наведалі выхаванцы дзіцячага сада. Мерапрыемства было праведзена бібліятэкарам у форме інтэрактыўнай гульні-вандроўкі.

Дзеці ў гульнявой форме пазнаёміліся з творчасцю пісьменніка, даведаліся пра  яго цікавае «мурашынае» прозвішча і адправіліся ў падарожжа па старонках кніг аўтара.

Праграма спалучыла розныя віды дзейнасці:

• чытанне-імітацыю паводле вясёлых вершаў «Я сама» і «Як завуць казу?»;
• рухомую фізкультхвілінку «Восенню ў садзе» з элементамі збору яблыкаў;
• загадкі ад «Вясёлага шчупака»;
• творчую хвілінку (размалёўка вяселага мураша на памяць).

Мерапрыемства было накіравана на развіццё цікавасці да беларускай кнігі, роднага слова і беражлівых адносін да прыроды.