8 лістапада ў філіяле «Лыцавіцкі сельскі Дом культуры» па традыцыі адбылося самае яркае і смачнае свята – «Журавінавы фэст». У фестывалі прыняла ўдзел і бібліятэкар Чурлёнскай сельскай інтэграванай бібліятэкі Пашкевіч М.У. Яна арганізавала для мясцовых жыхароў і гасцей свята выставу-дэгустацыю пад паэтычнай назвай «Журавінка, журавінка – жураўліная мясцінка», мэта якой – не толькі паказаць разнастайнасць выкарыстання здабытай у нашых краях ягады, але і нагадаць землякам пра багацце нашых традыцый.