Работа з духоўнай літаратурай не толькі накірунак дзейнасці бібліятэкі, а і набліжэнне людзей да вялікага пласта культурнай спадчыны, якога яны доўгі час былі пазбаўлены.

Задача супрацоўнікаў бібліятэкі – змясціць маральныя і грамадзянскія каштоўнасці ў цэнтр адукацыі і выхавання, развіць духоўна-маральны патэнцыял народа. Праз выдавецтва Беларускага Экзархату бібліятэка штогод папаўняе кніжны фонд выданнямі праваслаўнай тэматыкі. Таму, ў сакавіку 2021 года ў Вілейскай раённай цэнтральнай бібліятэцы імя Г.Новік цікава і змястоўна прайшла прэзентацыя кніг выдавецтва беларускага Экзархату “Сердцу полезное слово” у рамках Дзён праваслаўнай кнігі. Гэта мерапрыемства яўна паказала, што чытачы праяўляюць цікавасць не толькі да мастацкай духоўнай літаратуры.

Іх цікавіць і інфармацыя практычнага характару: як прычашчацца, правільна маліцца, ставіць свечкі і шмат іншага. Значна павялічылі кнігавыдачу гутаркі аб прачытаным, так як праблемы, закранутыя ў праваслаўных творах, тычацца кожнага. Гэта выхаванне дзяцей і сямейныя адносіны, здароўе і побыт.