16 лютага  ў рамках Міжведамаснай прафілактычнай акцыі “Сябруем з Законам!” у Людвіноўскай сельскай  інтэграванай бібліятэцы прайшло творчае асарці ”Дзеці маюць права”, арганізаванае сумесна з кіраўніцай гуртка «Мальберт» Людвіноўскага сельскага дома культуры Калінінай М.М.

 Спачатку вучні 3-4-х класаў  паўдзельнічалі ў конкурсе размалёвак па прававых ведах. Потым паслухалі інфармацыю аб правах дзіцяці, падрыхтаваную бібліятэкарам Ніжнік Г.І.

 Вучні сярэдніх класаў, удзельнікі бібліятэчнага гуртка “Цудоўная кніга” спачатку  пазнаёміліся з кніжнай выставай, прысвечанай 25-годдзю Канстытуцыі Беларусі. А потым з захапленнем прынялі ўдзел у мультымедыйнай прававой гульні «Мы и закон».

   Мэтай  мерапрыемства было давесці да свядомасці навучэнцаў думку  пра тое, што міжнародныя  дакументы аб правах дзіцяці разглядаюцца не з пазіцыі супрацьпастаўлення іх правам дарослых, а як неад’емная частка правоў чалавека, якія звязаны з яго абавязкамі, вучаць будаваць свае адносіны з людзьмі на аснове ўзаемаразумення і ўзаемапавагі.