5 чэрвеня ў Людвіноўскую сельскую інтэграваную  бібліятэку завіталі вучні ДУА “Людвіноўская сярэдняя школа”, якія знаходзяцца на адпачынку ў аздараўленчым лагеры  “Вясёлыя падарожнікі”, каб прыняць ўдзел у мерапрыемстве “1000 і 1 кніга пра Радзіму”.

  З дзецьмі вялася размова пра малую радзіму, пра яе значэнне для кожнага з нас. Маленькія чытачы знаёміліся з краязнаўчай літаратурай, разглядалі фотаздымкі, зробленыя ў саўгасе “Беларускі” з 1939 года да нашых дзён. Дзеці з задавальненнем прынялі ўдзел у турнірах эрудытаў і знаўцаў прыроды і беларускіх прадметаў даўніны. Гэты бібліятэчны ўрок  прайшоў весела і цікава для ўсіх. Жадаючыя атрымалі дамашняе заданне ў выглядзе красворда “Жывая прырода”, які быў прысвечаны Сусветнаму дню аховы навакольнага асяроддзя.