Сеть публичных библиотек Вилейского района
Наш адрес: г. Вилейка, ул. Советская, 25. Тел. (8-01771) 5-56-56
E-mail: biblio@vileyka.gov.by

Як у раёне святкавалі Масленіцу

Масленіца – самае любімае ў народзе свята. Яно адлюстроўвае ўсеагульную радасць у сувязі з набліжэннем доўгачаканай вясны, з росквітам прыроды і самога чалавека.

Вось і ў Шылавіцкім садку дзеці каторы раз сталі ўдзельнікамі святкавання Масленіцы.

На свяце дзецi правялі Зіму, развітаўшыся з ёй да наступнага года, і з радасцю сустрэлі Вясну.
Падчас забавы нашы выхаванцы ад душы весяліліся: вадзілі карагод разам з казачнымі героямі вакол Масленіцы, спявалі народныя песні, гулялі ў гульні, скамарохі ўсіх весялілі жартамі, пацешкамі.

У заключэнне выхаванцы разам з гасцямі з задавальненнем елі смачныя бліны і прысмакі, запіваючы іх гарачай гарбатай.

Алена СІЛЬВАНОВІЧ, выхавацель Шылавіцкага д/с.

14

А ў суботу пачыналася свята Масленіцы “Вясну-красну – на вулачку, а зімачку – у каморачку” ў Чурлёнскай сельскай інтэграванай бібліятэцы… З песнямі, гульнямі і добрым настроем развітваліся з зімой дзеці. Прыйшлі на свята і іх бацькі, каб разам сустрэць вясну.

Напярэдадні самыя актыўныя ўдзельнікі ўжо пачалі падрыхтоўку: зрабілі чучала зімы, дома ў бібліятэкара напяклі бліноў і з прыпёкам, і з маслам, не забыліся і пра дранікі. Бліны на Масленіцу былі галоўнай стравай. І з чым іх толькі не пяклі! І з сырам, і з грыбамi… Такiя блiны і называлiся блінамі з прыпёкам.

Пах бліноў і травяной гарбаты лунаў па бібліятэцы. Арганізатары падрыхтавалі забаўляльную праграму: гульні, конкурсы, загадкі. Ва ўсіх забавах з аднолькавым задавальненнем удзельнічалі і дзеці, і дарослыя. За перамогу ў спаборніцтвах кожны атрымаў сімвал свята – масленічны блін.

Забавы працягваліся і на вуліцы, дзе спалілі чучала Зімы, або Марэны, як сімвал гора, няшчасця і смутку. Свята атрымалася вясёлым, азораным радасным чаканнем ясных, цёплых дзён, напоўненых сонечным святлом.

Хочацца выказаць вялікую падзяку настаўніку Чурлёнскай школы Баравому В.І., культарганізатару Лыцавіцкага СДК Карыба З.І. і юным чытачам Стасілевіч Аляксандры, Лягень Надзеі, Стасілевіч Вікторыі, Більдзюк Крысціне, Паследу Елісею і Каркотка Яўгеніі за дапамогу ў правядзенні свята.

Марына Пашкевіч, бібліятэкар Чурлёнскай  сельскай інтэграванай бібліятэкі//peramoga.by

Share
Вы можете оставить комментарий, или ссылку на Ваш сайт.

Оставить комментарий