Сеть публичных библиотек Вилейского района
Наш адрес: г. Вилейка, ул. Советская, 25. Тел. (8-01771) 5-56-56
E-mail: biblio@vileyka.gov.by

QR-акцыя «Вершы ў кішэні» Зінаіда Губарава-Крупская

Зінаіда Губарава-Крупская

Неадфарматаваны баран

Баран кампутар нейк прыдбаў,

Адразу важным панам стаў.

Хоць розумам – нi “мэ”, нi “бэ”,

Ды вельмі любіць ён сябе.

 

Для форсу прынтар прыкупіў,

Уcix вучонасцю здзiвіў.

Машыну гладзіць, пыл здзімае,

Пасля ў кампутара пытае:

 

-Калі ты будзеш працаваць,

каб за мяне рашаць, бляяць?

Кампутар з хвілю памаўчаў,

А потым шчыра адказаў:

 

-Хоць ты на выгляд важны пан…

Але… неадфарматаваны ёсць баран.

Хвалькоўна

Мышка, шэрая палёўка,

Напаткала нейк сяброўку:

– Я так рада, вось дык стрэча,

Ці даўно былі малечы?

 

Чула? Магу пахваліцца:

Жыву, быццам бы царыца:

Я – сябровачка Кацяры,

Не знайсці пякнейшай пары.

 

Наш супольны інтарэс:

Бізнэс, жмуркі, скокі, лес…

Зараз я ужо – бізнэс-лэдзі,

Ўсе каты – мае суседзі.

 

Сцеляцца, як муражок,

Я для ix, як піражок.

На далярах зараз сплю,

Каго хочаш “падпіхну”.

Біла языком аб плот,

Ды з’явіўся рыжы кот,

Хапнуў… Гора бізнэс-лэдзі…

Аблізнуліся суседзі!

 

Кумка

У мядзведзя сёння свята,

Юбілеем гудзе хата.

Прыкаціла з рання ліска,

Куму-брату лізаць мicкi.

Дагадзіць умее кумка,

Як салодзенькая гумка.

Хлусіць, сцелецца лістом,

Адабраць бы ў бабра дом?

Пачала яна здалёку:

– Кум, бабёр – скупое вока.

Акурат мая парада:

Гнаць хапугу з рыбнагляду.

Развыдрэў, такія гмaxi,

Я ж жыву, як расамаха,

Твой мацую дабрабыт,

У эканомщы, як жыд.

Miша тут жа для сяброўкі,

Падпісаў загад свой лоўка.

Як касою, ўзмах пяра —

3 плеч баброва галава.

Як прыбрала рыбнагляд,

Усё знікла. Знік i брат…

 

Share
Вы можете оставить комментарий, или ссылку на Ваш сайт.

Оставить комментарий