14 жніўня бібліятэкар Нарачанскай сельскай бібліятэкі Алянцэвіч А.В. правяла для юных чытачоў, якія ў летні час адпачываюць у аграгарадку Нарач у сваіх бабуль і дзядуль, гадзіну краязнаўчых ведаў «Вялікія адкрыцці пра зямлю бацькоў».

Падчас мерапрыемства дзеці пазнаёміліся з матэрыяламі папкі «Нарач і наваколле: гісторыя і сучаснасць, падзеі і людзі». Асабліва іх зацікавілі старыя ўнікальныя фотаздымкі, на якіх можна было разгледзець не толькі сваіх маладых бабуль і дзядуль, але і бацькоў у дзяцінстве. Аўтарам архіва фатаграфій з’яўляецца М.А. Кавалёў, былы дырэктар Нарачанскага сельскага Дома культуры.

Кожны фотаздымак – гэта падзея, месца, людзі. Вось так дзеці, уважліва слухаючы бібліятэкара, адкрывалі цікавыя факты пра малую радзіму сваіх бацькоў.