Масленіца — адно з самых вясёлых і шумных свят беларусаў. У ім перапляліся і зімовыя, і вясновыя абрады, песні, гульні, карагоды. Перш чым сустракаць вясну, нашы продкі спачатку ладзілі провады зімы. І адпаведныя абрады расцягваліся на тыдзень, які называлі Масленічным або Сырным. 25 лютага бібліятэкар Чурлёнскай сельскай інтэграванай бібліятэкі запрасіла да сябе аднавяскоўцаў прыняць удзел у абрадавай дзет провадаў зімы “Масленица хороша, широка её душа”.

Была арганізавана цікавая конкурсная праграма. Удзельнікі спявалі прыпеўкі, танцавалі, вадзілі карагоды, пяклі бліны і дранікі.  Хлопцы і дзяўчаты паказвалі сваю моц і спрыт у спаборніцтвах. А напрыканцы свята спалілі чучала Зімы, каб хутчэй прыйшла вясна. Уражанне аб Масленіцы нікога не пакінула раўнадушным. Святочны настрой быў ва ўсіх. Насычаная праграма дазволіла гасцям акунуцца ў атмасферу сапраўднага свята, зарадзіла энергіяй, запалам і пакінула незабыўныя ўражанні.