Віктар Кажура

Абрыкосы,апельсіны

і чубаты ананас

Мы нясём для Ангеліны,

Што чакае ў госці нас.

***

Упрыгожым елку самі

Мы гірляднамі -агнямі,

Паяскамі з мішуры-

Будзе свята дзетвары.

***

Зоркі ў небе зацвілі,

Нібы кветкі на зямлі.

А рагаты месяц збоку.

Пазірае хітрым вокам.

***

Я за тату сёння горды:

Атрымаў мой тата ордэн.

Ён з-пад лёду ды з вады

Ратаваў дзяцей з бяды.

***

Вунь на ўзгорку наша хата-

Лёгка бачыцца здаля.

Там жывуць матуля,тата,

Дзед з бабуляю і я.