Па воблачных хвалях нябёсаў

Плылі на лодках багі

І рухалі кросны лёсу

Лёгкім штуршком нагі.

Вера Бурлак

У Рэспубліцы Беларусь надаецца вялікае значэнне захаванню гістарычнай памяці беларускага народа, яго нацыянальна-культурнай самабытнасці і традыцый. Таму перад бібліятэкамі як культурна-асветніцкімі краязнаўчымі цэнтрамі стаіць важная задача – садзейнічаць адраджэнню і захаванню духоўных каштоўнасцей, нацыянальнай самасвядомасці, моўнай культуры. Асабліва важна весці такую работу з дзецьмі, бо менавіта ў пераемнасці пакаленняў – залог захавання беларускай нацыянальнай спадчыны, а такім чынам, і захаванне нацыі.

Вялізныя выхаваўчыя, патрыятычныя магчымасці краязнаўчага матэрыялу дазваляюць выхоўваць грамадзяніна не на абстрактных ідэалах, а на прыкладах з жыцця бацькоў, аднавяскоўцаў, на падзеях з гісторыі сваёй малой радзімы.

Каб задаволіць цікавасць карыстальнікаў да гісторыка-культурнай спадчыны, бібліятэка павінна прапанаваць унікальныя звесткі пра яе гісторыю, геаграфію, культуру і традыцыіі праз выставачныя матэрыялы бібліятэк, а таксама праз інтэрактыўную прастору.

Але сучасная бібліятэка не павінна замыкаць краязнаўчую працу на зборы матэрыялу. Неабходна стварыць куток сялянскага побыту, арганізоўваць сустрэчы са старажыламі, адкрываць міні-выставы прыкладнога мастацтва і народных умельцаў, ладзіць святы вёсак, фальклору, вясёлыя вячоркі. Усё гэта зробіць бібліятэку сапраўды культурным цэнтрам, неабыякавым да жыцця і гісторыі сваёй малой радзімы.

Беларуская сям’я ў мінулым ніколі не абыходзілася без ткацтва і “саматканых” вырабаў. Вытканыя ўласнаручна “ручнікі”, “настольнікі”, “дываны” мелі не толькі прыкладное значэнне, але і былі прадметамі культу, з імі было звязана мноства нацыянальных абрадаў. І  таму сучасным чытачам вельмі цікава пазнаёміцца з працэсам ткацтва, пабываць на майстар-класе па вырабе тканых рэчаў і паспрабаваць іх уласнаручна вырабіць.

Сельская бібліятэка возьме на сябе функцыю збіральніка і захавальніка прадметаў матэрыяльнай культуры, у тым ліку прадметаў народнай творчасці.

АПІСАННЕ:

     Праект “Кросны” прадугледжвае стварэнне ў бібліятэцы цэнтра лакальнай культуры, дзе сабрана інфармацыя па гісторыі мясцовасці, калгаса і ўстаноў. Тут можна будзе даведацца аб вядомых аднавяскоўцах і простых жыхарах вёскі. Цікава будзе знайсці інфармацыю і аб моўных асаблівасцях мясцовасці, аб рамёствах, якімі займаліся колішнія жыхары, прыняць удзел у абрадавых мерапрыемствах.

Але самае галоўнае – тут можна дакрануцца да гісторыі: да прадметаў побыту нашых продкаў,  да прац майстроў  саломапляцення, да сапраўднага ткацкага станка.  І не толькі дакрануцца,  але і самаму паспрабаваць і навучыцца ткаць.

МЭТЫ:

1. Выхаванне пачуцця патрыятызму, фарміраванне маральнай і духоўнай культуры.
2. Павышэнне ўзроўню інфармаванасці аб найцікавейшай нацыянальна-культурнай спадчыне роднага краю.
3. Фарміраванне сямейных каштоўнасцей і традыцый сродкамі этнапедагогікі (народнай святочнай культуры).
4. Прадастаўленне адкрытага роўнага доступу да інфармацыі краязнаўчай тэматыкі.

  ЗАДАЧЫ:

• стварыць спрыяльныя ўмовы для заняткаў, зносін і правядзення вольнага часу карыстальнікаў;
• фарміраваць аблічча бібліятэкі як інтэрактыўнай пляцоўкі, своеасаблівай этна-лабараторыяй – месца, дзе кожны жыхар зможа знайсці  не толькі дапамогу і падтрымку ў пытаннях, якія тычацца сваёй малой радзімы, але прыняць непасрэдны ўдзел у абрадавых дзеях і этнатворчасці;
• прапагандаваць літаратуру краязнаўчага характару праз арганізацыю выстаў, мерапрыемстваў і г.д.;
• падрыхтаваць ткацкі станок для правядзення майстар-класаў для наведвальнікаў бібліятэкі;
• адраджаць і захоўваць мясцовыя культурныя традыцыі;
• працягваць збор краязнаўчых матэрыялаў.

Кіраўнік праекта: Пашкевіч Марына Уладзіміраўна, бібліятэкар Чурлёнскай сельскай інтэграванай бібліятэкі

УДЗЕЛЬНІКІ: Чурлёнская сельская інтэграваная бібліятэка, чытачы дзіцячага ўзросту, моладзь і дарослыя

ВЫНІКІ: 

1. Бібліятэка павінна стаць цэнтрам адраджэння і захоўвання мясцовых культурных традыцый.
2. Прыцягненне ў бібліятэку новых карыстальнікаў.
3. Задаволенасць карыстальнікаў зместам і якасцю краязнаўчых і фальклорных мерапрыемстваў.
4. Развіццё цікавасці да чытання краязнаўчай літаратуры.

        Чурлёнская сельская інтэграваная бібліятэка прыняла ўдзел у ХХХІІ Рэспубліканскім конкурсе “Бібліятэка – асяродак нацыянальнай культуры”, па выніках якога ў намінацыі «За значны ўклад у выхаваўчую работу з падрастаючым пакаленнем» прысуджана першая прэмія.

МЕРАПРЫЕМСТВЫ:

Новы праект “КРОСНЫ”

У Чурлёнскай сельскай інтэграванай бібліятэцы прайшлі калядкі “Каляда ішла, казу вяла”

Масленица в Чурлёнской сельской интегрированной библиотеке

“Светлый праздник – Пасха” в Чурлёнской сельской интегрированной библиотеке

У Чурлёнскай сельскай бібліятэцы дзяўчаты варажылі на люстэрку

Фальклорнае свята “Вясну-красну – на вулачку, а зімачку – у каморачку”

Як у раёне святкавалі Масленіцу

Масленица в библиотеке

Яблычны Спас нам яблычка прыпас

Бібліятэчныя варожбы

Лясная аптэка

В библиотеку на блины!

Бібліятэчнае краязнаўства сельскіх бібліятэк: абмен вопытам

Как на Ивана Купала Красно солнышко играло

Вясковы лекавы траўнік

Наступили святки – запевай колядки!

Готовимся к Пасхе

Як у Лыцавічах на Вялікдзень ходзяць валачобнікі

Чурлёнскія зёлкі

Вершины человеческой мудрости

Пусть святое Рождество принесёт в семью добро!

“Суджон-раджон, прыйдзі каня паіці і ключа прасіці”

Як на Маслянай нядзелі мы бліночкаў захацелі

Стракаты скарб у шафе

Книги веры и добра

Чурлёнскія зёлкі

Танцующие куклы на фестивале в Чурлёнах

Этнаграфічны праект “Кросны” рэалізуецца ў Чурлёнскай сельскай інтэграванай бібліятэцы

Традыцыі: варажылі дзяўчаты на… экзамен

Нашы дасягненні

Колядные гадания “Вечер святочных чудес”

Масленіца ідзе – вясну пад руку вядзе

Інтэрактыўная гутарка “Часоў прасоўваючы нітку”