2 кастрычніка ў Вілейцы прайшоў абласны злёт пажылых грамадзян «З любоўю да жыцця», што стала значнай падзеяй у грамадскім жыцці рэгіёну. У рамках гэтага форуму, накіраванага на падтрымку і актывізацыю жыцця старэйшага пакалення, у мясцовым кінатэатры «Мір» супрацоўнікі раённай цэнтральнай бібліятэкі правялі прэзентацыю кніжнай выставы «Іду са словам да людзей», на якой былі прадстаўлены як кнігі мясцовых паэтаў, так і шматлікія выданні па краязнаўству і гісторыі рэгіёну.