7 чэрвеня ў аграгарадку Ілья прайшоў раённы этап рэспубліканскага сямейнага сельскагаспадарчага праекта «Уладар сяла – 2025», які сабраў дружныя і працавітыя сем’і Вілейскага раёна. У свяце прыняла ўдзел і бібліятэкар Ільянскай сельскай інтэграванай бібліятэкі Будай Л.І. Там для ўдзельнікаў мерапрыемства яна правяла агляд кніжнай выставы «Вяртанне да вытокаў», на якой былі прадстаўлены кнігі па гісторыі нашай краіны, і прапанавала ўсім жадаючым паўдзельнічаць у краязнаўчай віктарыне «Славім Радзіму працай».