12 чэрвеня ў аддзеле па рабоце з дзецьмі ДУК «Вілейская раённая цэнтральная бібліятэка імя Г.Новік» прайшла літаратурная гасцёўня «Жывая. Светлая. Зямная…», прысвечаная да 110-годдзя з дня нараджэння вілейскай паэткі, члена Саюза пісьменнікаў Беларусі  Ганны Аляксееўны Новік. На мерапрыемстве прысутнічалі дзеці з летняга аздараўленчага лагера ДУА «Сярэдняя школа № 5 г. Вілейкі».

Спачатку ўдзельнікі літаратурнай гасцёўні паглядзелі відэаролік «Жывая. Светлая. Зямная…», дзе пазнаёміліся з жыццёвым і творчым лёсам беларускай пісьменніцы, даведаліся, з якімі цяжкасцямі ёй прышлося сутыкнуцца з самага дзяцінства. На мерапрыемстве пад музычнае суправаджэнне гучалі лірычныя вершы паэткі: «Калі спыняюся», «Барвовае лісце», «На выстаўцы», «Словы да радзімы», якія пранізваюць душу сваёй глыбінёй і шчырасцю. Дзеці з цікавасцю слухалі гісторыю напісання партрэта Ганны Новік вілейскім мастаком Эдуардам Уладзіміравічам Мацюшонкам. А потым «падарожнічалі» па віртуальнай старонцы, прысвечанай Ганне Новік, на бібліятэчным сайце villib.by.

Пасля заканчэння мерапрыемства ўдзельнікі атрымалі невялікія памятныя падарункі.