8 чэрвеня ў в. Рэчкі прайшло свята вёскі «Свята працы, веры і дабрыні», якое падрыхтавалі для мясцовых жыхароў і гасцей бібліятэкар Ерхаўскай сельскай бібліятэкі Андрыеўская Ж.Я. сумесна з супрацоўнікамі філіялаў «Ерхаўскі сельскі Дом культуры» і «Людвіноўскі сельскі Дом культуры».

Урачыстае мерапрыемства было прысвечана дзвюм важным падзеям –30-годдзю служэння святара Валянціна Пяшко ў мясцовым храме Святога Духа і святу Сёмухі. Пасля праведзенага богаслужэння адбыўся святочны канцэрт, падчас якога прагучалі вершы, песні пра вёску і духоўныя спевы.